Midstream Kollege Pre-Primêr Skool (MCPP) is 'n parallelmediumskool wat in Midstream Estate geleë is. Die landelike atmosfeer van die landgoed word weerspieël in die pragtige terrein van MCPP en die visie van Bondev Development vir die skool, naamlik om 'n plek te skep waar kleuters veilig kan voel, word in die halfmaanvorm van die gebou weergegee.

Ons maak voorsiening vir kinders vanaf 3 tot 6 jaar oud. Ons programme is inklusief, geïntegreer en skep geleenthede om kinders se emosionele, sosiale, intellektuele, fisiese, geestelike en morele ontwikkeling te koester. Die klem val op verkenning en ontdekking binne 'n raamwerk van persoonlike en sosiale verantwoordelikheid, terwyl elke kind se vordering deeglik gemonitor word. Die skool het 'n Christelike etos

Lenie Botha het een of ander tyd gedurende 2003 kennis gemaak met die voorgestelde ontwikkeling van Midrand Estates (wat Midstream Estate insluit) in Centurion. Op 'n opedag vergadering het sy navraag gedoen oor die voorgestelde Pre-Primêre Skool in Midstream Estate, veral wie dit gaan bestuur, van Bondev Development, wat aangedui het dat geen aansoeke ontvang is nie en dat niemand as sodanig aangestel is nie. Na Lenie navraag gedoen het, het sy met Mariaan Bester, 'n kollega en vriendin met 'n aansienlike ervaring in bestuur binne 'n voorskoolse omgewing, gepraat en hulle het saam 'n sakeplan aan Bondev Development voorgelê.